Edukira joan

Goierriko Hitza

Legorreta
2008ko abenduak 5, Ostirala

2007-12-28 | 12:30:19

Bi gazte atxilotu dituzte Legorretan, klub bateko atezainari eraso egiteagatik

Atzo gauean izan zen gertaera; ordiziarrak dira bi atxilotuak

Legorretako klub bateko atezainari burdinezko katearekin eta barra batekin eraso egitea leporatuta bi gazte atxilotu zituen atzo gaueko 21:00ak aldera Ertzaintzak. Alterneko klubeko atezaina jo zutela eta ondoren bertaratu ziren ertzainei ere eraso egin zietela argitu du Herrizaingo Sailak. 21 eta 23 urteko bi gazte atxilotu dituzte.

Ustezko erasoa atzo (osteguna) gaueko 21:00etan gertatu zen Legorretan, alterneko klub batean. Atezainaren aurka burdinezko kateak eta ziri metaliko bat erabiliz oldartu ziren bi atxilotuak, Ertzaintzaren arabera. Gertaeraren berri jaso ondoren Ertzaintzaren zenbait patruila joan ziren klubera, eta gazteek ertzainak erasotzen saiatu zirela azaltzen du prentsa oharrak.
21 urteko G.D. eta 23 urteko G.P. atxilotu zituzten tokian bertan, biak Ordizian bizi direnak. Lesio delitua eta agintearen agenteen aurkako eraso saiakera leporatu dizkiete.
Atezainaren osasun egoeraren edo jasandako kalteen berri ez dute argitu.

 

 

Jasotako erantzunak:

1

PATXI | 2007-12-31

Ez zait harritzen Ontza putaetxean horrelako gertakari egon dela irakurtzea, ez da lehenengo aldia eta ez da izango azkeneko aldia horrelako bat gertatzen dela, garbi dago zein den arrazoia, putaetxe hau beste putaetxe asko bezela ez dagoela erabat legalizatuta

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta:

Internet Ehuntzen S.L.-k garatua

Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)

eta Goierriko Berriak Kultur Elkartea: 15 gizarte eragile.